پنجاب نے عیدالاضحی پر 5 اگست تک مکمل لاک ڈاﺅن نافذ کرنے کا فیصل

 لاہور: اردوخبرتازہ ترین۔27 جولائی ۔2020ء) حکومت پنجاب نے عیدالاضحیٰ کے موقع پر 28 جولائی کو رات 12 بجے سے 5 اگست تک مکمل لاک 

ڈاﺅن نافذ کرنے کا فیصلہ کیا ہے. وزیر اطلاعات پنجاب فیاض الحسن چوہان نے کہا کہ کورونا کے پھیلاو کو روکنے کے لیے 28 جولائی 12 بجے سے آئندہ 9 

روز تک سخت لاک ڈاﺅن کا فیصلہ کیا گیا ہے‘انہوں نے کہ عیدالاضحیٰ سے قبل تمام مویشی منڈیوں میں سختی سے 

اسٹینڈرڈ آپریٹنگ پروسیجرز(ایس او پیز) پر عملدرآمد کروایا جائے گا.

مذکورہ فیصلہ وزیراعلیٰ ہاﺅس پنجاب میں صوبائی وزیر قانون راجہ بشارت کی زیر صدارت کابینہ کمیٹی برائے انسداد کورونا کے اجلاس میں کیا گیااجلاس میں صوبائی وزرا ڈاکٹر یاسمین راشد، میاں اسلم اقبال، فیاض الحسن چوہان اور چیف سیکرٹری پنجاب سمیت متعلقہ محکموں کے سربراہان نے شرکت کی کابینہ کمیٹی کے اجلاس بریفننگ کے دوران بتایا گیا کہ صوبہ پنجاب میں کورونا وائرس کے کیسز کی تعداد میں کمی کا سلسلہ جاری ہے اور گزشتہ 24 گھنٹوں میں کورونا سے کوئی موت بھی واقع نہیں ہوئی.

اجلاس میںوزیر قانون راجہ بشارت نے کہا کہ حکومت کورونا کو شکست دینے کے قریب ہے اور اب لاپروائی سے دوبارہ کیسز کی تعداد کہیں پھر بڑھ نہ جائے انہوں نے کہا کہ صو بے میں لاک ڈاﺅن کے دوران میڈیکل اسٹورز، گروسری اسٹورز، ٹرانسپورٹ اور دفاتر کھلے ہوں گے اور صرف مارکیٹیں بند ہوں گی. صوبائی وزیر قانون نے کہا کہ عید کے موقع پر مصنوعی مہنگائی کرنے والوں کے خلاف سخت ایکشن لیا جائے اور انہوں نے مویشی منڈیوں میں ایس او پیز پر مکمل عملدرآمد نہ کروانے پراظہار برہمی کیا انہوں نے ہدایت کی کہ عیدالاضحیٰ کی نماز اور قربانی کے اجتماعات کے لیے بننے والے ایس او پیز پر عملدرآمد کو یقینی بنایا جائے راجہ بشارت کا کہنا تھا کہ عید کے بعدنیشنل کمانڈ اینڈ آپریشن سینٹر (این سی او سی) کے اجلاس میں ریسٹورنٹس اور ہوٹلز کھولنے کی سفارش جائے گی.

خیال رہے کہ گزشتہ روز حکومت پنجاب نے وفاقی حکومت کی ہدایات کی روشنی میں عیدالاضحیٰ کے موقع پر کورونا وائرس کا پھیلاﺅ روکنے کے لیے صوبے میں 'اسمارٹ لاک ڈاﺅن نافذ کرنے کا فیصلہ کیا تھا‘مویشی منڈیوں میں 'اسمارٹ لاک ڈاﺅن اور ایس او پیز کے نفاذ کے انتظامات کا جائزہ لینے کے لیے منعقدہ اجلاس کی صدارت کرتے ہوئے چیف سیکرٹری جواد رفیق ملک نے کہا تھا کہ حکومت کے لیے انسانی جانوں کا تحفظ انتہائی اہمیت کا حامل ہے اور مویشی منڈیوں میں کورونا وائرس کے پھیلاﺅ پر قابو پانے کے لی ایس او پیز پر سختی سے عملدرآمد سمیت ہر ممکن اقدامات اٹھائے جائیں گے.

چیف سیکرٹری کیمپ آفس 9ایقمان روڈ پر منعقدہ اجلاس میں ایڈیشنل چیف سیکرٹری (داخلہ) مومن آغا، انسپکٹر جنرل پولیس شعیب دستگیر، پرائمری اور سیکنڈری ہیلتھ کیئر ڈیپارٹمنٹ کے سیکرٹری ریٹائرڈ کیپٹن محمد عثمان، لاہور ڈویژن کمشنر دانش افضل اور ڈپٹی انسپکٹر جنرل (آپریشنز)، لاہور، اشفاق احمد خان، سیکرٹری پنجاب بلدیاتی حکومت اور کمیونٹی ڈیولپمنٹ ڈیپارٹمنٹ ڈاکٹر احمد جاوید قاضی، تمام ڈویژنل کمشنرز اور علاقائی پولیس افسران (آر پی او) نے بذریعہ ویڈیو لنک شرکت کی تھی.

چیف سیکرٹری نے کہا تھا کہ لاہور سمیت صوبے کے دیگر متاثرہ شہروں میں اسمارٹ لاک ڈاﺅن کے مثبت نتائج سامنے آئے ہیں اور اس کے بعد سے کورونا وائرس کے نئے کیسز کی تعداد کم ہوتی جارہی ہے انہوں نے کہا تھا کہ عیدالاضحیٰٰ سے قبل بازاروں میں خریداری کی سرگرمیاں کورونا وائرس کے پھیلاﺅ کو تیز کرسکتی ہیں، انہوں نے مزید کہا کہ گزشتہ عید الفطر کے تجربے کو مدنظر رکھتے ہوئے عوام کے مفاد میں فیصلہ بڑے پیمانے پر کیا گیا.

چیف سیکرٹری نے تمام ڈویژنل کمشنرز سے ایس او پیز پر سختی سے عملدرآمد کرانے کی ہدایت کی، جس میں ماسک پہننے اور مویشی منڈیوں میں عمر 

رسیدہ افراد اور بچوں کے داخلے پر پابندی شامل ہے انہوں نے کہا کہ محکمہ صحت، مقامی حکومت اور لائیو اسٹاک کے عہدیداروں کو مویشی منڈیوں میں 

تعینات کرنا چاہیے اور معائنہ کرنے کے لیے انتظامیہ اور قانون نافذ کرنے والے اداروں کی مشترکہ ٹیمیں تشکیل دی جائیںخیال رہے 

کہ پنجاب میں کورونا وائرس سے متاثرہ افراد کی تعداد 92 ہزار 73 کیسز تک پہنچ چکی ہے جبکہ 2 ہزار 116 افراد انتقال کرچکے ہیں.